Emissions Gèrs

Matiada en Gèrs
Emission d'actualitat locau quotidiana hèita sonque sus la frequénça 90,8 FM a Aush (Annèxa III), e realisada per la redaccion de Ràdio País Gèrs.

Parla mi, Conta mi
Cada setmana, Emilia Castanhèr camina d’ostau en ostau e de bòrda en bòrda ende anar a la rescontra de la gents deu país. Pendent una pichona ora, anatz a la descobèrta de las hemnas e deus òmes que hèn lo país. Una istòria de transmission de la memòria locala dins la lenga deu país.

Suu Camin de Garròs
Joan-Jaume Dutaut-Boué nos prepausa una uelhada sus la cultura gascona en Gèrs au travèrs deus sons autors, de la sua istòria locala e deu son biais de víver.

Lo Mòt deu Peiròt
Cronica culturala adobada d’un pauc d’umor cosinada peu Peiròt, lo Claudi Pierson.

Ça s'est passé en Gascogne
Rose-Marie Richard, nativa deu vilatge de Montaut (32) nos conta los sons brembers de mainada au vilatge.

Des papiers pour l'éternité
Renée Courtiade nos parla de l’Istòria de Gèrs au travèrs de documents d’arquius deus sègles 17au, 18au, 19au.

Quand charron Provènço e Gascougno
Cado semano, Tonia Salaün nous fai descurbi Prouvènço au fiéu di tematico desvelopado a cado emissioun. Un jo de charradisso entre Prouvenço e Gascougno au travès di vos de la prouvençalo Tonia Salaün e la gascouno Emilio Castagné.

Parladissas gersesas
Devisadas sus tematicas divèrsas e variadas en gascon deu Gèrs.