Manifestacion a Pau contre la refòrma deu còde deu tribalh.

Los Podcasts

Mobilizacion sociau. Qu'èran au mensh 3000 manifestants a Pau segon los sindicats entà denonciar la refòrme deu còde deu tribalh. A l'aperet de mei d'ua organizacion, mes prumèr CGT et solidaires, los manifestants qu'avièn lo seguici a la Hautaplanta cap 10ò30 abans d'arretrobà's cap a la prefectura a mieidia tà las presas de paraula costumèras e entercalhar lo prefet. A l'entorn mieidia e un quart, la manifestacion que s'acabè au calme, quan s'apressè ua amassada deu Front Sociau 64 au Hedàs tà evocar las accions a viéner.
Alavez, se ne saben pas enqüèra l'impacte qu'auràn las manifestacions, au nivèu deus participants, las conviccions que son hòrtas, e lo devís hèra clar.
Au demiei deus manifestants que's trobè Julia Courtadieu, Jordin Hostein e Charline Claveau- Abbadie,conselhèra regionau en Navèra Aquitània. Aquiu lo lor testimoniatge au còr deu passacarrèra.
Alhors en gasconha, qu'èran segon los sindicats 1300 a Aush, 4000 a Tarba, mei de 700 au mont. De notar, enfin a Tolosa, la preséncia de quauques detzenats de camions de heirèrs, qui an blocat la circulacion sus la rocada. Que responèn a l'aperet deu lor capdau Marcel Campion, qui avè aperat la profession a participar a la mobilizacion.
Fòto: Jean-Philippe Gionnet


Entà ns'escotar

Bearn : 89.8 FM
Bigòrra : 101.5 FM
Gers : 90.8 FM
Lo mon lector sus la pagina