Manifestacion Calandreta lo 9 de seteme

Los Podcasts

Los defensors de Calandreta qu'èran ger matin au parc de las exposicions de Pau entà denonciar la baisha deu nombre de CAE, qui hica en dangèr l'anar de las escòlas.
Un centenat de personas qu'èran presentas a l'entrada deu parc, tot drapèu dehòra, mei que mei los de las calandreta d'Artics, deu Lis,de Lescar o de Pau. Totas qu'èran representadas. Regents deu sector public qu'èran tanben presents, en compania deus militants costumèrs, com los de Libertat o enqüèra la CGT. Ua delegacion Calandreta, qui s'i escadó prumèr a encontrar lo prefet divés, que podó tanben deishar un dossièr au prumèr ministre, en visita a Pau. Adarron, los manifestants que s'arretrobèn a la Calandreta paulina entà har un prumèr bilanç de l'accion deu dia e espiar endavant tà la seguida. Un deus prumèrs elements de satisfacion qu'èra la bèra mobilizacion de totas las escòlas.
En Bretanha, los quaranta-sheis CAE de las escòlas Diwan que son estats validats peu prefet fin finau, que pòden donc imaginar que serà tot parièr tà Calandreta. Totun, aqueth ahar que pausa la question de la precaritat d'aqueths contractes, tantplan com la fragilitat globau de la situacion, e d'un cèrt paradòx a lutar tà las conservar. La Federacion 64 que n'a conciéncia, mes n'a pas d'autas solucions peu moment. Benlèu aquera mobilizacion e balharà d'arsec tà'n trobar e, a tèrmi, perpausar contractes mei perennes.


Entà ns'escotar

Bearn : 89.8 FM
Bigòrra : 101.5 FM
Gers : 90.8 FM
Lo mon lector sus la pagina